蕃茄米線...

今日跟同事到屯門舊墟食蕃茄米線，自己揀料，其中香茅豬扒及魚包蛋好好味，又大碗，好抵食！ 臨 last day 之前食吓D地道野，都確實要多謝個屯門「阿姑」﹣Yonnie!!

關係...

今晚做facial的時候，我的美容師再次向我分享她與男朋友之間的問題。據女方所說，他們相處了三年，男方卻沒有對其關係作進一步的付出，因此想向他提出分手。他們雖然沒有大吵，亦同時表示沒有好好溝通，試問這種關係又可維持多久呢？我只奉勸她，向男方作出「最後警告」，徹底表達自己的意願，以作最後一次機會給大家，皆因這問題已是第二次發生，又何必再拖大家的時間呢？!

其實，對我來說，要維繫一段關係，最要緊的莫過於大家能夠溝通，思想儘量一致，這才可一起向前行。

對於她的煩惱，我會為她禱告之餘，都想買份有意思的小禮物給她，「氹」她開心 (而且二月三日是她的生日)。好，就讓我明天看看吧！

掙扎...

今晚同家人及兩位小朋友 (曾受託於嫣咪照顧) 跟佢地嘅嫣咪一齊食飯。我同呢個"靚嫣咪"都幾好傾，所以都update佢我嘅工作問題，順便睇吓佢有乜意見。佢有個講法我好認同，就係一份工最緊要係有冇興趣及要專注，如果你有興趣，你點都可以扒上去，只係時間要耐D。於是我又想，我對宜家呢行確實有興趣，係唔係可以再搵另外一份試多次呢？會唔會浪費時間呢？

唔...想想吓，我都係會兩種工都搵，睇吓邊類工俾我搵到先，就將呢件事交俾上帝啦，我要對佢有信心！

多謝關心...

嘩，好開心！咁快 D friends 就有回覆，真係多謝關心！

目前最重要嘅都係快D搵到份新工，唔駛令家人太擔心。其實，如果可以，好想去個旅行先返工，咁就 perfect喇！

第一次寫blog...

2006年確實係我新的一頁...

喺宜家間公司做左差唔多4個月，最終都係「分手」收場，原因只有一個 ﹣唔啱我！ 最初真係好唔開心，有失敗感，舖排左似乎好耐的路宜家要放棄，有D浪費。但後來發覺都係件好事，因為經過呢少少挫折令我了解自己多左，career development 的方向清晰左。再正面D睇，上帝俾我易過呢次失敗，因為我有班好熱心幫你、時時帶歡笑俾你嘅好同事，令工作環境氣氛好融洽、輕鬆好多。而我的 supervisor亦盡量幫我，直腸直肚嘅佢話我知要改善嘅地方。仲有嘅係身邊有勁支持你、為你分析兼安慰你嘅好朋友 (當然唔少得我嘅青蛙份)，呢份關懷又點可以忘記呢?! 我深信呢個經歴係好有用，我好感謝神！

今次寫blog亦係我新的開始，皆因小妹唔係"in"嘅人(寫blog俾我"in"嘅感覺)，所以宜家覺得自己後生左 : P 點都好，有機會就update吓，起碼俾自己帶個美好回憶！