interview...

send 左十幾封信出街，上個星期終於有回音喇。喺唔算準備好充足嘅情況下昨日完成左 1st "in"，我好感謝神，因為呢次係好好嘅練習，令我知有邊D地方可改善。加上昨晚靈修時得到神嘅提醒：除了祈禱，都要有充足嘅準備及計劃去配合對神嘅信心。真係 amazing! What a right time to remind me on this!!

盼望我對神嘅信心會有增冇減啦!

黏土公仔...

昨日放工同同事蛇蛇去「集成」見到以上嘅黏土公仔，好 cute、好精緻架! 仲好貴 tim!!

不過蛇蛇好抵死咁指住個 "wedding cake"，話什麼什麼我結婚時送俾我，即刻俾我喝止! (=P)

你地又估吓我最鍾意邊個？

又有好友結婚喇...

今晚幾位中學老死相聚，因為有位已宣佈出年一月會拉埋天窗，真係可喜可賀!

談話嘅內容好明顯有轉變：由拍拖或男女之間嘅問題到結唔結婚，再到生唔生仔女... 都幾有趣。或者，人大左 (即係老左）focus嘅野自然會唔同，加上多左朋友成家立室... 無論點，最要緊係見到朋友開開心心，唔好計較或比較太多，仍然 keep 住 share 彼此的喜和悲...


P.S. 我好開心呢位好友揾到個好鍚佢嘅另一半， 好替佢開心呢 = D

"1/2 大壽"派對...

大部份嘅朋友都知我今年搞左個"1/2 大壽"派對，大事慶祝我嘅三十歲生日。

當晚梗係好開心啦，有家人、中學老死、識左多年嘅教友，仲有 CMP 的同事們參加呢個派對，大家食得開心又飲得暢快，仲有隻乳豬代替生日蛋糕助陣，確實冇得頂啦!

我地仲玩左兩個games: 1. 抽到 Ivan 及 Fenny 到餐廳外唱生日歌俾我 2. 青蛙同 Clara 表演高難度動作 - Clara 嘅膝頭頂青蛙嘅 pat pat，而中間夾住本書唔俾佢跌落地。呢個動作仲要係青蛙諗出嚟，真係自作自受 :P

好啦，而家就同大家分享吓當晚嘅歡樂啦！Enjoy the pix pls = )