一對孖腸的故事...

有對小情侶拍拖接近十一週年，於是有以下對話：
女朋友：喂，就黎十一週年喎，點慶祝呀？（好明顯，女朋友忍左好耐先問）
男朋友：買兩條臘腸啦! 孖一丫嘛！（注意：佢係唔駛一秒就答左女朋友)

你估阿男朋友係咪有備而戰呢?
你係阿女朋友架話，會有乜反應? 1. 大笑 2. 打男朋友 3. 車男朋友 4. 發脾氣然後走左去

以上純粹問題，並非心理測驗。

一個屋苑會議的啟發...

很平凡的一個會議，本想早些退席，豈料後來主席的一句話令我覺得多留十分鐘超值哂：
做任何事，請先想想兩樣野 - 「後果」同「效果」。

嘩！真係可以套用喺做人同做事 (工作) 身上，好大嘅提醒呢！

不同見解之「三得」...

記得前一陣子小妹發表左「三從四得」嘅說法。今日食lunch時 (已在另一公司)，有兩個同事有另一睇法，不過只係講「三得」：

同事甲：我覺得做人最重要嘅三得好簡單 ﹣ 食得、瞓得同痾得。
同事乙：我只知道o係度做野要做得、捱得同忍得。

唔知你對以上說法有咩意見？做人要做得簡單係咪真係好易？抑或你好不幸地非常明白同事乙嘅講法? 我當然唔希望你係同事乙啦，不過深知事與願違，都係祝大家好運啦！